Periyalvar · Pasurams 160–169
Corpus pasurams 172–181
This page preserves the source-defined decade 2, chapter 6 grouping and brings its 10 pasurams together for uninterrupted Tamil reading.
This page presents public-domain Tamil text. Each pasuram includes an ordinary external link to its Uveda page for independent commentary and other study material.
Pasuram 160 · corpus 172
வேலிக் கோல் வெட்டி * விளையாடு வில் ஏற்றி *
தாலிக் கொழுந்தைத் * தடங்கழுத்தில் பூண்டு **
பீலித் தழையைப் * பிணைத்துப் பிறகிட்டு *
காலிப் பின் போவாற்கு ஓர் கோல் கொண்டு வா *
கடல் நிற வண்ணற்கு ஓர் கோல் கொண்டு வா (1)
Pasuram 161 · corpus 173
கொங்கும் குடந்தையும் * கோட்டியூரும் பேரும் *
எங்கும் திரிந்து * விளையாடும் என்மகன் **
சங்கம் பிடிக்கும் * தடக்கைக்குத் தக்க * நல்
அங்கம் உடையது ஓர் கோல் கொண்டு வா *
அரக்கு வழித்தது ஓர் கோல் கொண்டு வா (2)
Pasuram 162 · corpus 174
கறுத்திட்டு எதிர்நின்ற * கஞ்சனைக் கொன்றான் *
பொறுத்திட்டு எதிர்வந்த * புள்ளின் வாய் கீண்டான் **
நெறித்த குழல்களை * நீங்க முன் ஓடி *
சிறுக்கன்று மேய்ப்பாற்கு ஓர் கோல் கொண்டு வா *
தேவபிரானுக்கு ஓர் கோல் கொண்டு வா (3)
Pasuram 163 · corpus 175
ஒன்றே உரைப்பான் * ஒரு சொல்லே சொல்லுவான் *
துன்று முடியான் * துரியோதனன் பக்கல் **
சென்று அங்குப் பாரதம் * கையெறிந்தானுக்கு *
கன்றுகள் மேய்ப்பது ஓர் கோல் கொண்டு வா *
கடல் நிற வண்ணற்கு ஓர் கோல் கொண்டு வா (4)
Pasuram 164 · corpus 176
சீர் ஒன்று தூதாய்த் * துரியோதனன் பக்கல் *
ஊர் ஒன்று வேண்டிப் * பெறாத உரோடத்தால் **
பார் ஒன்றிப் பாரதம் * கைசெய்து பார்த்தற்குத் *
தேர் ஒன்றை ஊர்ந்தாற்கு ஓர் கோல் கொண்டு வா *
தேவபிரானுக்கு ஓர் கோல் கொண்டு வா (5)
Pasuram 165 · corpus 177
ஆலத்து இலையான் * அரவின் அணை மேலான் *
நீலக் கடலுள் * நெடுங்காலம் கண்வளர்ந்தான் **
பாலப் பிராயத்தே * பார்த்தற்கு அருள்செய்த *
கோலப் பிரானுக்கு ஓர் கோல் கொண்டு வா *
குடந்தைக் கிடந்தாற்கு ஓர் கோல் கொண்டு வா (6)
Pasuram 166 · corpus 178
பொன்திகழ் * சித்திரகூடப் பொருப்பினில் *
உற்ற வடிவில் * ஒரு கண்ணும் கொண்ட ** அக்
கற்றைக் குழலன் * கடியன் விரைந்து உன்னை *
மற்றைக் கண் கொள்ளாமே கோல் கொண்டு வா *
மணிவண்ண நம்பிக்கு ஓர் கோல் கொண்டு வா (7)
Pasuram 167 · corpus 179
மின்னிடைச் சீதை பொருட்டா * இலங்கையர் *
மன்னன் மணிமுடி * பத்தும் உடன் வீழ **
தன் நிகர் ஒன்று இல்லாச் * சிலை கால் வளைத்து இட்ட *
மின்னு முடியற்கு ஓர் கோல் கொண்டு வா *
வேலை அடைத்தாற்கு ஓர் கோல் கொண்டு வா (8)
Pasuram 168 · corpus 180
தென் இலங்கை மன்னன் * சிரம் தோள் துணிசெய்து *
மின் இலங்கும் பூண் * விபீடண நம்பிக்கு **
என் இலங்கும் நாமத்து அளவும் * அரசு என்ற *
மின் அலங்காரற்கு ஓர் கோல் கொண்டு வா *
வேங்கட வாணற்கு ஓர் கோல் கொண்டு வா (9)
Pasuram 169 · corpus 181
அக்காக்காய் நம்பிக்குக் * கோல் கொண்டு வா என்று *
மிக்காள் உரைத்த சொல் * வில்லிபுத்தூர்ப் பட்டன் **
ஒக்க உரைத்த * தமிழ் பத்தும் வல்லவர் *
மக்களைப் பெற்று * மகிழ்வர் இவ் வையத்தே (10)
Use a personal daily schedule, recall practice and spaced reviews to work through the pasurams steadily. This Tamil reading library stays free.