Thiruvaymozhi — Decade 10, Chapter 5

கண்ணன் கழல் இணை *
 நண்ணும் மனம் உடையீர் **
 எண்ணும் திருநாமம் *
 திண்ணம் நாரணமே (1)

நாரணன் எம்மான் *
 பார் அணங்கு ஆளன் **
 வாரணம் தொலைத்த *
 காரணன் தானே (2)

தானே உலகு எல்லாம் *
 தானே படைத்து இடந்து **
 தானே உண்டு உமிழ்ந்து *
 தானே ஆள்வானே (3)

ஆள்வான் ஆழி நீர் *
 கோள்வாய் அரவு அணையான் **
 தாள்வாய் மலர் இட்டு *
 நாள்வாய் நாடீரே (4)

நாடீர் நாள்தோறும் *
 வாடா மலர்கொண்டு **
 பாடீர் அவன் நாமம் *
 வீடே பெறலாமே (5)

மேயான் வேங்கடம் *
 காயாமலர் வண்ணன் **
 பேயார் முலை உண்ட *
 வாயான் மாதவனே (6)

மாதவன் என்று என்று *
 ஓத வல்லீரேல் **
 தீது ஒன்றும் அடையா *
 ஏதம் சாராவே (7)

சாரா ஏதங்கள் *
 நீர் ஆர் முகில் வண்ணன் **
 பேர் ஆர் ஓதுவார் *
 ஆரார் அமரரே (8)

அமரர்க்கு அரியானை *
 தமர்கட்கு எளியானை **
 அமரத் தொழுவார்கட்கு *
 அமரா வினைகளே (9)

வினை வல் இருள் என்னும் *
 முனைகள் வெருவிப் போம் **
 சுனை நல் மலர் இட்டு *
 நினைமின் நெடியானே (10)

நெடியான் அருள் சூடும் *
 படியான் சடகோபன் **
 நொடி ஆயிரத்து இப் பத்து *
 அடியார்க்கு அருள்பேறே (11)